ГАДААД ХАРИЛЦААНЫ ДЭД САЙД Б.БАТЦЭЦЭГ ЯПОН УЛСЫН “ЁС ЗҮЙН НИЙГЭМЛЭГ”-ИЙН ТЭРГҮҮН Н.ИТОГ ХҮЛЭЭН АВЧ УУЛЗАВ

Гадаад харилцааны дэд сайд Б.Батцэцэг Японы “Ёс зүйн нийгэмлэг”-ийн тэргүүн Н.Итог 2017 оны 5 дугаар сарын 4-ний өдөр хүлээн авч уулзав.

Гадаад харилцааны дэд сайд Б.Батцэцэг хатагтай Н.Ито Монгол, Японы Стратегийн түншлэлийн харилцааг бэхжүүлэхэд үнэтэй хувь нэмэр оруулсанд талархал илэрхийлээд саяхан байгуулагдсан Монгол, Японы Стратегийн түншлэлийн Дунд хугацааны хөтөлбөр (2017-2021)-ийн хэрэгжилтийг хангахад дэмжлэг хүсэв.

“Ёс зүйн нийгэмлэг”-ийн тэргүүн Н.Ито хоёр улсын хооронд дипломат харилцаа тогтоосны 45 жилийн ойн жилд Монгол Улсад хүрэлцэн ирсэндээ баяртай байгаагаа илэрхийлж, Монгол, Японы харилцааг улам өргөжүүлэхийн төлөө байгаагаа нотлов.