МОНГОЛ УЛСЫН ЕРӨНХИЙ САЙД Ж.ЭРДЭНЭБАТ ПЕТЕРБУРГИЙН ОЛОН УЛСЫН ЭДИЙН ЗАСГИЙН ЧУУЛГА УУЛЗАЛТАД ОРОЛЦОНО

ОХУ-ын Засгийн газрын урилгаар Монгол Улсын Ерөнхий сайд Ж.Эрдэнэбат 2017 оны 6 дугаар сарын 1-3-ны өдрүүдэд Оросын Холбооны Улсын Санкт-Петербург хотод болох Петербургийн олон улсын эдийн засгийн 21 дүгээр чуулга уулзалтад оролцоно.

Ерөнхий сайд Ж.Эрдэнэбат Оросын Холбооны Улсын Ерөнхийлөгчийн ивээл дор зохион байгуулагддаг тус эдийн засгийн чуулга уулзалтын нээлтийн хуралдаанд үг хэлж, чуулга уулзалтад оролцох Оросын болон гадаадын зочид төлөөлөгчид, бизнесийн хүрээнийхэнтэй хоёр талын уулзалт хийхээр төлөвлөж байна.