ГАДААД ХАРИЛЦААНЫ САЙД Д.ЦОГТБААТАР ЭЛЧИН САЙД И.К.АЗИЗОВЫГ ХҮЛЭЭН АВЧ УУЛЗАВ

Гадаад харилцааны сайд Д.Цогтбаатар 2019 оны 2 дугаар сарын 12-ны өдөр Оросын Холбооны Улсаас Монгол Улсад суугаа Онц бөгөөд Бүрэн эрхт Элчин сайд И.К.Азизовыг хүлээн авч уулзав. Уулзалтын үеэр талууд 2019 онд харилцан хэрэгжүүлэх өндөр, дээд хэмжээний айлчлал, Халхын голын байлдааны ялалтын 80 жилийн ой зэрэг хамтран хэрэгжүүлэх арга хэмжээ, Монгол, Оросын худалдаа, эдийн засгийн хамтын ажиллагаанд анхаарах чиглэлүүд, мөн удахгүй болох хоёр орны Гадаад харилцааны сайд нарын уулзалтын бэлтгэл ажил зэрэг асуудлаар ярилцав.