СЛОВЕНИ УЛСЫН ЭЛЧИН САЙДЫГ ХҮЛЭЭН АВЧ УУЛЗЛАА

Гадаад харилцааны сайд Д.Цогтбаатар Бүгд Найрамдах Словени Улсаас Монгол Улсад хавсран суугаа Онц бөгөөд Бүрэн эрхт Элчин сайд Я.Премозаг үүрэгт ажлаа дуусган бүрмөсөн буцахтай нь холбогдуулан хүлээн авч уулзлаа.

Уулзалтын үеэр Гадаад харилцааны сайд Д.Цогтбаатар хоёр орны хооронд аялал жуулчлал, хөдөө аж ахуй, эрүүл мэндийн салбарт хамтран ажиллах бүрэн бололцоо байгааг онцоллоо. Ялангуяа хоёр талаасаа бизнес эрхлэгчдийг харилцан солилцож, хөрөнгө оруулалт, худалдаа эдийн засгийн харилцаагаа өргөжүүлэх боломжоо бүрэн ашиглах нь зүйтэй гэв.

Элчин сайд Я.Премоза Гадаад харилцааны сайдын дэвшүүлсэн саналуудыг дэмжиж буйгаа илэрхийлээд хүлээн авч уулзсанд талархлаа илэрхийллээ.

Гадаад харилцааны сайд Д.Цогтбаатар уулзалтын төгсгөлд өөрийн санаачлан хэрэгжүүлж байгаа “Peacebook” фэйсбүүк форумын талаар товч танилцуулав.