Skip to content
- Гадаадад зорчиход анхаарах зүйлс        - Монголын иргэд хилийн чанадад зорчих визийн нөхцөл        - Visa application form       
Та энд байна: Нүүр хуудас

Л.ПҮРЭВСҮРЭН САЙД АРДЧИЛСАН ОРНУУДЫН ХАМТЫН НИЙГЭМЛЭГИЙН 8-Р БАГА ХУРАЛД ОРОЛЦОЖ ҮГ ХЭЛЛЭЭ ... read more

Л.ПҮРЭВСҮРЭН САЙД БНКУ-ЫН ДЭД ЕРӨНХИЙЛӨГЧ УЛИСИС РОЗАЛЕС ДЕЛ ТОРО-Д БАРААЛХАВ ... read more

ГАДААД ХЭРГИЙН САЙД Л.ПҮРЭВСҮРЭН АНУ-ЫН ТӨРИЙН НАРИЙН БИЧГИЙН ДАРГА Ж.КЕРРИТЭЙ УУЛЗАВ ... read more

БНХАУ -ЫН ДАРГА СИ ЗИНЬПИН: ХЯТАД, МОНГОЛ, ОРОСЫН ЭДИЙН ЗАСГИЙН КОРИДОР БАЙГУУЛАХЫГ ХҮСЧ БАЙНА ... read more

ОХУ-ЫН ЕРӨНХИЙЛӨГЧ В.В.ПУТИН: ГУРВАН ТАЛТ УУЛЗАЛТЫН ХҮРЭЭНД ЭДИЙН ЗАСГИЙН КОРИДОР БАЙГУУЛАХ ТУХАЙ ХАРИЛЦАН ОЙЛГОЛЦЛЫН САНАМЖ БИЧИГТ ГАРЫН ҮСЭГ ЗУРЛАА ... read more
by camp26
2015 оны 7-р сар

2015 оны 7-р сарын 31

ДЭЛХИЙН ТУСГАЙ ОЛИМПТ МОНГОЛЫН БАГ ТАМИРЧИД АМЖИЛТТАЙ ОРОЛЦОЖ БАЙНА PDF Хэвлэх Email
Бичсэн Хэвлэл мэдээллийн ажилтан
2015 оны 7-р сарын 31, Баасан гариг, 16:27

Дэлхийн тусгай олимпт Монголын баг тамирчид 7 дугаар сарын 31-ний өдрийн байдлаар ширээний теннисний ганцаарчилсан төрөл, жудо (эрэгтэйчүүд), 100 метрийн гүйлт, бөөрөнцөг шидэлт, ийн төрөлд 1 алт, 3 мөнгө, 3 хүрэл медаль хүртээд байна. 
Тус олимпт оролцож буй монголын баг тамирчдыг АНУ-ын Лос Анжелесийн Монголчуудын холбооноос хүлээн авч, бүх талын дэмжлэг туслалцааг үзүүлж ажиллаж байна. 
Оюуны хөгжлийн бэрхшээлтэй хүүхэд, насанд хүрэгчдийг спортоор дамжуулан биеийн болон оюуны хөгжлийг нь дэмжиж, урам зориг өгөх, нийгмийн харилцаанд идэвхтэй татан оролцуулах зорилготой энэхүү олимп 1968 оноос хойш зохион байгуулагдаж байгаа бөгөөд энэ удаа дэлхийн 165 улсын 7000 гаруй тамирчин, 3000 гаруй дасгалжуулагчид оролцож, спортын 25 төрлөөр өрсөлдөж байгаа юм.


ЭЛЧИН САЙД Т.ЛХАГВАДОРЖ ИТГЭМЖЛЭХ ЖУУХ БИЧГЭЭ БАРИВ PDF Хэвлэх Email
Бичсэн Хэвлэл мэдээллийн ажилтан
2015 оны 7-р сарын 31, Баасан гариг, 12:35

Монгол Улсаас Бүгд Найрамдах Сингапур Улсад суугаа Онц бөгөөд Бүрэн эрхт Элчин сайд Төмөрийн Лхагвадорж Бүгд Найрамдах Сингапур Улсын Ерөнхийлөгч Эрхэмсэг ноён Тони Тан Кенг Яам-д 2015 оны 7 дугаар сарын 30-ны өдөр Итгэмжлэх жуух бичгээ өргөн барив.

Истана төрийн ордонд болсон Итгэмжлэх жуух бичиг гардуулах ёслолын дараа Элчин сайд Т.Лхагвадоржийг Ерөнхийлөгч Тони Тан Кенг Яам хүлээн авч уулзан, хоёр талын харилцааны асуудлаар санал солилцов.

Уулзалтын үеэр Элчин сайд Т.Лхагвадорж Монгол Улсын Ерөнхийлөгч Ц.Элбэгдоржийн халуун дотно мэндчилгээг уламжилж 1970 оны 6 дугаар сарын 11-нд  анх хоёр орны хооронд дипломат харилцаа тогтоосноор манай хоёр орны найрсаг харилцаа өргөжин хөгжиж, улс төр, эдийн засгийн хамтын ажиллагаа идэвхижиж энэ жил дипломат харилцаа тогтоосны 45 жилийн ой, Бүгд Найрамдах Сингапур Улсын  тусгаар тогтнолын 50 жилийн түүхт ой тус тус дохиож буй энэ үед Элчин сайдаар томилогдон үүрэгт ажилдаа орж буйдаа баяртай байна гээд Монгол, Сингапурын найрсаг харилцаа, хамтын ажиллагааг цаашид бүх талаар идэвхижүүлэхийн төлөө чармайн ажиллах болно гэдгээ илэрхийлэв.



Бүгд Найрамдах Сингапур Улсын Ерөнхийлөгч Эрхэмсэг ноён Тони Тан Кенг Яам Элчин сайдаар тохоон томилогдон, үүрэгт ажилдаа орж байгаад Элчин сайд Т.Лхагвадоржид баяр хүргэн, Монгол Сингапурын харилцаа, хамтын ажиллагаа өргөжин хөгжиж байгаад сэтгэл хангалуун байгаагаа илэрхийлж, хоёр орон боловсрол, соёл, хот дахин төлөвлөлт, санхүү, хөрөнгө оруулалтын салбарт амжилттай хамтран ажиллах талаар ахиц гарж байгааг дурдаад Элчин сайдад ажлын амжилт хүсэв.

Итгэмжлэх жуух бичиг гардуулах ёслолд Сингапурын тэргүүн хатагтай Мэри Чээ Бээ Кианг, Элчин сайдын гэргий М.Золжаргал, Бүгд Найрамдах Сингапур Улсын Гадаад хэргийн яамны албаны хүмүүс болон Бүгд Найрамдах Сингапур Улсад суугаа Элчин сайдын яамны Хоёрдугаар нарийн бичгийн дарга Г.Уянга, Атташе Б.Тэмүүлэн нар байлцав.

СИНГАПУР ДАХЬ ЭСЯ

Сүүлд шинэчлэгдсэн ( 2015 оны 7-р сарын 31, Баасан гариг, 12:42 )

МОНГОЛ УЛС, ЭНХ ТАЙВНЫ КОРПУСЫН ХООРОНД ХАМТЫН АЖИЛЛАГААНЫ ХЭЛЭЛЦЭЭР БАЙГУУЛСНЫ 25 ЖИЛИЙН ОЙ ТОХИОЖ БАЙНА PDF Хэвлэх Email
Бичсэн Хэвлэл мэдээллийн ажилтан
2015 оны 7-р сарын 31, Баасан гариг, 12:10

Монгол Улс, Энх тайвны корпусын хооронд Хамтын ажиллагааны хэлэлцээр байгуулсны 25 жилийн ойн хэвлэлийн бага хурал өнөөдөр боллоо. Хэвлэлийн бага хуралд Гадаад Хэргийн сайд Л.Пүрэвсүрэн, Гадаад хэргийн сайд асан Ц.Гомбосүрэн, АНУ-аас Монгол Улсад суугаа Элчин сайд Пайпер Кэмпбэл, Энх тайвны корпусын орон хариуцсан захирал Дарлин Грант нар оролцов.

Тус ой нь Монгол Улсад анхны чөлөөт ардчилсан сонгууль явуулсны 25 жилийн түүхэн ойтой давхцаж буйгаараа онцлог юм. АНУ-ын Төрийн нарийн бичгийн дарга асан Жеймс Бейкер болон Монгол Улсын Гадаад хэргийн сайд асан Ц. Гомбосүрэн нар хоёр улсын Засгийн Газар хоорондын хамтын ажиллагааны гэрээнд 1990 оны 8 дугаар сарын 2-ны өдөр гарын үсэг зурж байсан түүхтэй.

Энх тайвны корпус Монгол Улсад үйл ажиллагаагаа явуулж эхэлснээс хойш 24 жилийн хугацаанд нийт 1149 сайн дурын ажилтнууд Монгол Улсын нийт 21 аймгийн ихэнх сумдуудад ажиллаж, манай орны нийгмийн хөгжилд хувь нэмрээ оруулсан байна.

Сүүлд шинэчлэгдсэн ( 2015 оны 7-р сарын 31, Баасан гариг, 12:12 )


2015 оны 7-р сарын 29

ГАДААД ХЭРГИЙН САЙД Л.ПҮРЭВСҮРЭН НҮБ-ЫН ЕНБД-ЫН ОРЛОГЧ Ж.ФЕЛТМАН-ЫГ ХҮЛЭЭН АВЧ УУЛЗАВ PDF Хэвлэх Email
Бичсэн admin
2015 оны 7-р сарын 29, Лхагва гариг, 21:24

Гадаад хэргийн сайд Л.Пүрэвсүрэн манай улсад ажиллаж буй НҮБ-ын Ерөнхий нарийн бичгийн даргын орлогч Ж.Фелтман-ыг хүлээн авч уулзав. Уулзалтын үеэр Монгол-НҮБ-ын хамтын ажиллагаа төдийгүй олон улс, бүс нутгийн тулгамдсан асуудлаар санал солилцлоо.

Монгол Улс олон улсын төдийгүй бүс нутгийн энх тайван, аюулгүй байдалд бодит хувь нэмэр оруулж байгааг Ж.Фелтман онцолж, хөгжлийн төлөөх Монгол Улсын хүч чармайлтыг НҮБ тууштай дэмжиж ажиллахаа нотлов. Түүнчлэн хоёр тал Зүүн Хойд Азийн аюулгүй байдлыг бэхжүүлэх чиглэлээр хамтран ажиллахаар тохиролцов.

НҮБ-ын Ерөнхий нарийн бичгийн даргын орлогч Ж. Фелтман Монгол Улсын Анхны ардчилсан сонгуулийн 25 жилийн ойд зориулсан олон улсын хүндэтгэлийн хуралд НҮБ-ыг төлөөлөн оролцож буй бөгөөд тэрээр НҮБ-ын Ерөнхий нарийн бичгийн дарга Бан Ги Мүний ойн арга хэмжээнд илгээсэн видео мэндчилгээг уламжилсан болно.


Сүүлд шинэчлэгдсэн ( 2015 оны 7-р сарын 31, Баасан гариг, 12:13 )

ГАДААД ХЭРГИЙН САЙД Л.ПҮРЭВСҮРЭН БНОУХ-ИЙН ТӨЛӨӨЛӨГЧДИЙГ ХҮЛЭЭН АВЧ УУЛЗЛАА PDF Хэвлэх Email
Бичсэн Хэвлэл мэдээллийн ажилтан
2015 оны 7-р сарын 29, Лхагва гариг, 12:52

Бүгд Найрамдахчуудын Олон Улсын Хүрээлэнгийн Марк Грийн тэргүүтэй төлөөлөгчид өнөөдөр Гадаад хэргийн сайд Л.Пүрэвсүрэнтэй уузлаа. Тэд уузалтын эхэнд Монгол улсад ардчилсан сонгууль явуулсны 25 жилийн ойд зориулсан олон улсын хуралд уригдан оролцож буй явдалд талархал илэрхийлээд, энэхүү түүхэн ойн өдрийн баярын мэндийг нийт Монголчуудад өргөн дэвшүүлсэн.

Төлөөлөгч Марк Грийн уулзалтын үеэр Монгол улсад олон улсын хамтын ажиллагааны шугамаар цаашид томоохон төсөлт ажил хэрэгжүүлэх боломжтойг илэрхийлж, манай улсын ардчиллын түүхэн үйл явц, амжилт, туршлага зэргийг олон улсад ихээхэн сонирхож, судалж байгаа тухай мэдэгдэв.

Гадаад хэргийн сайд Л.Пүрэвсүрэн баярын мэндчилгээг талархан хүлээн авч, Монгол улсын бүтээн босгосон ардчиллын цаашдын хөгжилд БНОУХ-ийн оролцоо чухлыг онцоллоо.

Сүүлд шинэчлэгдсэн ( 2015 оны 7-р сарын 29, Лхагва гариг, 12:56 )

ГАДААД ХЭРГИЙН САЙД Л.ПҮРЭВСҮРЭН ЭЛЧИН САЙД Д.АПЦИАУРИТАЙ УУЛЗЛАА PDF Хэвлэх Email
Бичсэн Хэвлэл мэдээллийн ажилтан
2015 оны 7-р сарын 29, Лхагва гариг, 12:27

Сайд Л.Пүрэвсүрэн өнөөдөр Гүрж улсаас Монгол улсад хавсран суугаа элчин сайд Д.Апциауриг хүлээн авч уулзлаа. Элчин сайд Д.Апциаури Монгол улсад анхны ардчилсан, чөлөөт сонгууль явуулсны 25 жилийн ойд зориулсан олон улсын Хүндэтгэлийн хуралд уригдан оролцож, Гүрж улсын ерөнхийлөгч, ерөнхий сайд, Гадаад хэргийн сайдаас Монгол улсад хүргүүлсэн баярын захидлыг гардуулан өглөө.

Гадаад хэргийн сайд Л.Пүрэвсүрэн Монгол болон Гүрж улс хоорондын найрсаг харилцааг цохон тэмдэглээд, баярын мэндчилгээг талархан хүлээн авч буйгаа илэрхийлэв. Талууд хоёр улсын харилцааны асуудалд санал солилцож, цаашдын хамтын ажиллагаа улам өргөжин тэлэх боломжтой тухай дурдлаа.

Сүүлд шинэчлэгдсэн ( 2015 оны 7-р сарын 29, Лхагва гариг, 12:55 )

КАНАД УЛСЫН АМБАН ЗАХИРАГЧ ДЭВИД ЖОНСТОН ЗАХИДАЛ ИРҮҮЛЛЭВ PDF Хэвлэх Email
Бичсэн Хэвлэл мэдээллийн ажилтан
2015 оны 7-р сарын 29, Лхагва гариг, 12:16

Монгол Улсад анхны чөлөөт ардчилсан сонгууль явагдсаны 25 жилийн ойн баярыг тохиолдуулан Монгол Улсын Ерөнхийлөгч Ц.Элбэгдоржид Канад Улсын Амбан захирагч Дэвид Жонстон баяр хүргэж, захидал ирүүллээ.

Тэрбээр “Монголын ард түмэн 25 жилийн тэртээ хүний эрх, эрх чөлөөг дээдэлсэн, ард иргэдээ төлөөлсөн, нээлттэй, ил тод, ардчилсан засаг байгуулахаар нэгдэж, …өдгөө бүс нутагтаа ардчиллын тод жишээ болон гялалзаж байна. Монгол Улс ардчилал, хүний эрхийг хамгаалах, дэмжихэд олон улсын түвшинд идэвх, санаачлагатай ажиллаж байна.

Манай хоёр улсын хооронд 40 гаруй жилийн тэртээ дипломат харилцаа тогтоосон бөгөөд Монголд ардчилал шинэчлэлийг энхийн замаар хийх явцыг манай улс дэмжсээр ирсэн. Канад Улс нь ямар ч үед Монгол Улсын итгэлт анд байх болно” гэв.


Сүүлд шинэчлэгдсэн ( 2015 оны 7-р сарын 30, Пүрэв гариг, 11:16 )

АРДЧИЛСАН СОНГУУЛИЙН 25 ЖИЛИЙН ОЙД ЗОРИУЛСАН ОЛОН УЛСЫН ХҮНДЭТГЭЛИЙН ХУРАЛ БОЛЛОО PDF Хэвлэх Email
Бичсэн Хэвлэл мэдээллийн ажилтан
2015 оны 7-р сарын 29, Лхагва гариг, 11:48

Монгол Улсад анхны ардчилсан, чөлөөт сонгууль явуулсны 25 жилийн ойд зориулсан олон улсын Хүндэтгэлийн хурал өнөөдөр Шангри-Ла зочид буудлын хурлын танхимд боллоо. Хүндэтгэлийн хурлыг нээн Монгол Улсын Ерөнхийлөгч Ц.Элбэгдорж үг хэлэв.

1990 оны долдугаар сарын 29-ний өдөр болсон Ардын Их Хурлын депутатуудыг сонгох 12, орон нутгийн хурлын депутатуудыг сонгох 16 дахь удаагийн сонгууль нь Монголын түүхэнд анх удаа олон нам оролцсон, ард иргэд өөрсдөө төрөө сонгон байгуулсан түүхэн сонгууль юм. Мөн улс төрийн 6 намаас гадна олон нийтийн байгууллага, хувь хүн, хамт олноос нэр дэвшин өрсөлдөж, Монголын түүхэнд хамгийн олон нэр дэвшигчтэй, чөлөөт ардчилсан сонгууль болсон түүхтэй.

Монгол Улсын Ерөнхийлөгчийн захирамжаар 2015 оны долдугаар сарын 29-30-ний өдрүүдэд Монгол Улсад анхны ардчилсан, чөлөөт сонгууль явуулсны 25 жилийн ойг орон даяар тэмдэглэж байна.


Сүүлд шинэчлэгдсэн ( 2015 оны 7-р сарын 29, Лхагва гариг, 11:51 )

ГАДААД ХЭРГИЙН САЙД Л.ПҮРЭВСҮРЭН И.ЛЕТЕРМИЙГ ХҮЛЭЭН АВЧ УУЛЗАВ PDF Хэвлэх Email
Бичсэн Хэвлэл мэдээллийн ажилтан
2015 оны 7-р сарын 29, Лхагва гариг, 08:00

Гадаад хэргийн сайд Л.Пүрэвсүрэнгийн урилгаар Ардчилал, сонгуулийн туслалцааны олон улсын хүрээлэнгийн Ерөнхий нарийн бичгийн дарга Ив Летерм энэ 7 дугаар сарын 25-30-ны өдрүүдэд манай улсад айлчилж байна.

Гадаад хэргийн сайд Л.Пүрэвсүрэн И.Летермийг хүлээн авч уулзаж, ардчиллыг хөгжүүлэх, бэхжүүлэх чиглэлээр хэрэгжүүлж байгаа ажил, цаашид төлөвлөж буй зорилтуудын талаар санал солилцов.

Монгол Улс ардчиллыг хөгжүүлсэн 25 жилийн туршлагаа бусад улстай хуваалцах, хамтарсан сургалт, семинар зохион байгуулах зэргээр ажиллаж байгааг Гадаад хэргийн сайд Л.Пүрэвсүрэн дурдаж, энэ чиглэлээрх хамтын ажиллагаагаа цаашид улам бүр гүнзгийрүүлэн өргөжүүлэх хүсэлтэй байгаагаа илэрхийлэв. Ардчиллыг бэхжүүлэх чиглэлээр бүс нутгийн бусад улстай тухайлбал, Мьянмар, Кыргыз, Афганистан улстай хамтран ажиллаж байгаа талаар мэдээлж, түүнийг улам бүр баяжуулан, өргөжүүлэхийн чухлыг онцлов.

Ардчилсан тогтолцоог бэхжүүлэх чиглэлд Монгол Улс бүс нутгаа тэргүүлэн, хамгийн идэвхтэй, санаачлагатай ажиллаж ирснийг Ерөнхий нарийн бичгийн дарга И.Летерм тэмдэглэж, талархал илэрхийлэв. Хуримтлуулсан туршлага, ололт амжилтаа улам бататгаж тус бүс нутагт ардчиллыг хөгжүүлэх, түгээн дэлгэрүүлэх үйлсэд хамтран ажиллахад бэлэн байгаагаа тэрээр нотлов.

Монгол Улс тус байгууллагын гишүүн орнуудын Зөвлөлийг 2016 онд даргалахтай холбогдуулан эл чиглэлээрх цаашдын хамтын ажиллагааны асуудлаар мөн санал солилцсон байна.

Сүүлд шинэчлэгдсэн ( 2015 оны 7-р сарын 29, Лхагва гариг, 08:04 )


2015 оны 7-р сарын 28

“CZECH OPEN 2015” ФЕСТИВАЛЬД МОНГОЛ ТАМИРЧИД АМЖИЛТТАЙ ОРОЛЦЛОО PDF Хэвлэх Email
Бичсэн Хэвлэл мэдээллийн ажилтан
2015 оны 7-р сарын 28, Мягмар гариг, 08:29

БНЧУ-ын Пардубице хотноо 2015 оны 7 дугаар сарын 16-ны өдрөөс эхлэн 26 дахь удаагийн "Czech Open 2015" олон улсын шатрын болон хөлөгт тоглоомын фестиваль “Tipsport Arena” цогцолборт зохион байгуулагдаж байна. Тус тэмцээнд манай улсаас фиде мастер С.Билгүүн, С.Чингүүн, спортын мастер Б.Тэнгис, Э.Баасансүрэн, Ц.Батсайхан, Ц.Ганцоож, Х.Итгэлт нар оролцож, сонгодог шатрын төрлөөр өрсөлдлөө.

Тэмцээний G3 буюу түргэвчилсэн рапид тоглолтын төрөлд 10 улсын 91 шатарчин өрсөлдснөөс Цагаан бэрс клубын тамирчин, ФМ С.Чингүүн 8.5 оноогоор тэргүүн байрт шалгарсан бол G2 ангилалд өрсөлдсөн 15 орны 89 шатарчидаас Э.Баасансүрэн 4 дүгээр байр эзэллээ.

Мөн блиц буюу түргэн тоглолтын төрөлд ФМ С.Билгүүн 76 шатарчидаас 2 дугаар байрт шалгарсан бол блиц тоглолтын марафон төрөлд тэрээр боломжит 120 онооноос 107 оноо авч шагналт 5 байрт шалгарсан амжилтыг тус тус үзүүлээд байна.

Сүүлд шинэчлэгдсэн ( 2015 оны 7-р сарын 28, Мягмар гариг, 08:34 )

Хуудас 8-с 1
<< Эхлэх < Өмнөх 1 2 3 4 5 6 7 8 Дараахи > Төгсгөл >>

Мэдээллийн хуанли

< 2015 оны 7-р сар >
Да Мя Лх Пү Ба Бя Ня
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

АСЕМ


Холбогдох

Хаяг: Монгол Улсын Гадаад Хэргийн Яам
Энх тайвны гудамж-7А, Улаанбаатар 14210, Монгол Улс
Шуурхай утас: 00(976) - 62262222
Факс:
00(976)-11322127

Консулын болон визийн асуудлаар
и-мэйл: kg@mfa.gov.mn

Мэдээлэл, Гадаад сурталчилгааны асуудлаар
и-мэйл: press@mfa.gov.mn

Ёслолын газар
и-мэйл: protocol@mfa.gov.mn

Ерєнхий асуудлаар хандах
и-мэйл: info@mfa.gov.mn